Мисрдан келтирилган музлатилган қулупнай АҚШдаги 6 штатда 55 киши гепатит А касалига чалинишига сабаб бўлди. Бу ҳақда мамлакат касалликлар назорати ва профилактикаси марказига (CDC) таяниб, CNN маълум қилди, дея хабар беради «Интерфакс».
«Соғлиқни сақлаш идоралари Виржинияда (у ерда касалликнинг биринчи аломатлари аниқланган) 44, Мэриленд ва Ғарбий Виржинияда 4 тадан, Шимолий Каролина, Орегон ва Висконсинда биттадан касаллик қайд этилганини тасдиқлади. Касалликнинг яширин даври узоқ — 15 кундан 50 кунгача давом этиши туфайли унга чалинганлар сони ортиши эҳтимолдан холи эмас», — дея таъкидлади CDC матбуот котиби Нора Спенсер-Лаволл.
Беморлар 15 дан 68 ёшгача эканлиги айтилмоқда. Уларнинг деярли барчаси Виржиния ва қўшни штатларда жойлашган Tropical Smoothie Café қаҳвахоналарида таркибида четдан келтирилган қулупнай бўлган суюқ ичимлик истеъмол қилган.
Изоҳ (0)