Misrdan keltirilgan muzlatilgan qulupnay AQShdagi 6 shtatda 55 kishi gepatit A kasaliga chalinishiga sabab bo‘ldi. Bu haqda mamlakat kasalliklar nazorati va profilaktikasi markaziga (CDC) tayanib, CNN ma’lum qildi, deya xabar beradi “Interfaks”.
“Sog‘liqni saqlash idoralari Virjiniyada (u yerda kasallikning birinchi alomatlari aniqlangan) 44, Merilend va G‘arbiy Virjiniyada 4 tadan, Shimoliy Karolina, Oregon va Viskonsinda bittadan kasallik qayd etilganini tasdiqladi. Kasallikning yashirin davri uzoq — 15 kundan 50 kungacha davom etishi tufayli unga chalinganlar soni ortishi ehtimoldan xoli emas”, — deya ta’kidladi CDC matbuot kotibi Nora Spenser-Lavoll.
Bemorlar 15 dan 68 yoshgacha ekanligi aytilmoqda. Ularning deyarli barchasi Virjiniya va qo‘shni shtatlarda joylashgan Tropical Smoothie Café qahvaxonalarida tarkibida chetdan keltirilgan qulupnay bo‘lgan suyuq ichimlik iste’mol qilgan.
Izoh (0)