Испания парламентининг қуйи палатаси — депутатлар конгресси ҳукумат раиси вазифасини бажарувчи ва Халқ партияси етакчиси Мариано Рахойни бош вазир лавозимига тасдиқламади. Бу ҳақда «ТАСС» хабар бермоқда.
Овоз бериш якунларига кўра, 350 ўринли конгрессда Рахой номзодини 170 нафар депутат маъқуллади. У лавозимга тасдиқланиши учун 6 овоз етмади.
2 сентябрь, жума куни иккинчи овоз бериш бўлиб ўтади, унда ғолиб чиқиш учун бу гал Рахойга оддий кўпчиликнинг қўллаб-қувватлаши етарли. Агар шунда ҳам унинг номзоди маъқулланмаса, мамлакатда бир йил ичида учинчи сайловлар белгиланиши, парламентнинг икки палатаси эса тарқатиб юборилиши мумкин.
Изоҳ (0)