АҚШ президентлигига Демократик партиядан номзод Ҳиллари Клинтоннинг рўйхатга олинган сайловчилар орасида тан олинмаслик бўйича рейтинги 59 фоизга етди, унинг Оқ уй учун курашдаги рақиби — Дональд Трампда эса ушбу кўрсаткич 60 фоизга тенг. Бу ҳақда ABC телеканали ва The Washington Post газетаси ўтказган сўров натижаларига таяниб, «ТАСС» хабар берди.
Клинтон халқ орасидаги обрўсини йўқотишига ва бунинг кучайиб боришига, Langer Research Associates тадқиқот хизмати экспертлари фикрича, жамоатчилик эътибори яна унинг махфий ҳужжатлар билан ишлашда шахсий почта серверидан фойдаланганига қаратилгани, шунингдек, Клинтонлар фонди билан боғлиқ вазият сабабчи бўлди.
Уни энг кўп қўллаб-қувватлаган сайловчилар гуруҳи — аёллар, юқори даражадаги таълимга эга шахслар, испан тилида сўзлашувчи америкаликлар ва либерал нуқтаи назарга эга кишилар ўртасида Клинтоннинг оммабоплиги энг кўп тушиб кетган.
Мутахассислар ҳисоб-китобларига кўра, президентликка иккала номзод ҳам 30 йил давомида олиб борилган сўровлар мобайнида айнан ҳозир энг обрўсиз ҳолатга тушган. Шу пайтгача ABC ва The Washington Post сўровлари натижаларига кўра, обрўсизлик бўйича рекорд АҚШнинг 41-президенти Жорж Бушга тегишли бўлган: 1992 йил июлида у ҳақда сўров иштирокчиларининг 53 фоизи салбий фикр билдирган эди.
Изоҳ (0)