Ўз тарихида илк бор Жаҳон Чемпионатида иштирок этадиган Ўзбекистон футзал терма жамоаси эртага — 26 август куни тонгги 8:00 да сафарга жўнаб кетади.
Колумбияда бўлиб ўтадиган Жаҳон Чемпионати олдидан Ўзбекистон 4 та терма жамоага қарши ўртоқлик ўйинларида майдонга тушади: Эрон, Португалия, Испания ва Италия.
Тошкентдан учиб кетадиган футзалчиларнинг биринчи манзили Эрон бўлади. Хосе Мария Мендес шогирдлари амалдаги Осиё чемпионига қарши икки ўртоқлик ўйинида иштирок этади. Беллашувлар 28—29 август кунларида ўтказилади.
Эрондан кейинги манзил Португалия бўлиб, бу ерда ўзбекистонлик футзалчиларни яна 2 та баҳс кутиб турибди. Уларнинг биринчиси 1 сентябрь куни мезбон Португалия термасига қарши бўлиб ўтса,эртасига — 2 сентябрь куни Европанинг амалдаги чемпиони Испанияга қарши ўйин ташкил этилади.
Португалиядан кейинги манзил Испания бўлиб, Ўзбекистон термаси бош мураббийининг ватанида 3 кунлик йиғин ўтказилади ва шу ердан Колумбияга жўнаб кетилади.
Италия терма жамоасига қарши ўртоқлик ўйини Жаҳон Чемпионати ўтадиган Колумбияда 7 сентябрь куни ўтиши келишиб олинган. Мундиалнинг ўзи 10 сентябрь куни Ўзбекистон ва Панама ўйини билан старт олади.
Осиё вице-чемпиони сифатида Жаҳон Чемпионатига қадам қўйган Ўзбекистон Тошкент мезбонлик қилган қитъа мусобақасидан кейин 5 та термага қарши 9 та ўртоқлик ўйинида иштирок этди. Рақиблардан 3 таси ЖЧ—2016 да иштирок этадиган Вьетнам, Қозоғистон ва Озарбайжон термалари бўлди.
Маълумот учун, 26 август куни Тошкентдан жўнаб кетадиган Ўзбекистон футзал терма жамоасининг бош мураббийи Хосе Мария Мендес билан 25 август куни матбуот анжумани бўлиб ўтади. ЎФФ анжуманлари зали мезбонлик қиладиган учрашувда барча журналистлар 16:00 дан бошлаб иштирок этиши мумкин.
Ўзбекистон терма жамоасининг Осиё Чемпионатидан кейин ўтказган ўртоқлик ўйинлари:
23 апрель, 2016Вьетнам — Ўзбекистон 2:224 апрель, 2016Япония — Ўзбекистон 3:312 июль, 2016Ўзбекистон — Тожикистон 3:313 июль, 2016Ўзбекистон — Тожикистон 2:114 июль, 2016Ўзбекистон — Тожикистон 5:59 август, 2016Қозоғистон — Ўзбекистон 6:110 август, 2016Қозоғистон — Ўзбекистон 4:216 август, 2016Ўзбекистон — Озарбайжон 3:317 август, 2016Ўзбекистон — Озарбайжон 2:6
Изоҳ (0)