15 нафар оғир атлетикачи, жумладан, россиялик Ҳожимурод Аккаев ва Дмитрий Лапиковнинг таҳлиллари Пекин—2008 Олимпиадасидаги допинг намуналарини қайта текшириш чоғида ижобий натижани кўрсатди. Бу ҳақда Халқаро оғир атлетика федерацияси (IWF) матбуот хизмати маълум қилди, дея хабар беради «Интерфакс».
Пекиндаги ўйинлар бронза медаллари совриндори бўлган Аккаев ва Лапиков мусобақаларда иштирок этишдан вақтинча четлатилди.
13 нафар бошқа оғир атлетикачиларга нисбатан ҳам шундай қарор қабул қилинди. Улар орасида Қозоғистондан тўрт, Беларусь ва Хитойдан уч, Украинадан икки, Озарбайжондан бир нафар спортчи бор.
Изоҳ (0)