Ла Лига, 32-тур. Пако Айестаран «Валенсия» мураббийлигидаги биринчи ғалабасини «Севилья» билан ўйинда қўлга киритди

Футбол бўйича Испания Ла Лигасининг 32-туридан жой олган марказий ўйинда «Валенсия» 3 очкони қўлга киритди.

«Сельта»га қарши 30-тур мағлубиятидан кейин бош мураббий Гарри Невиллни истеъфога чиқарган «Валенсия», янги мутахассис Пако Айестаран билан биринчи ўйинда «Лас-Пальмас»га имкониятни бой берганди. Мураббийнинг иккинчи уриниши омадли келди.

Бу мағлубиятдан кейин «Севилья» Европа Чемпионлар Лигасига йўл олиш имкониятларини кескин камайтириб юборди. Айни пайтда Унаи Эмери жамоаси 4-ўринда бораётган ва ўзидан 1 та кам ўйинда майдонга тушган «Вильярреал»дан 9 очко ортда бормоқда.

Ла Лига доирасида «Севилья» жорий мавсум сафар ўйинларининг бирортасида ҳам зафар қуча олмади. Клуб Европа Чемпионлар Лигасида ўйнаши учун ҳеч бўлмаганда Европа Лигаси мусобақасида зафар қучиши керак бўлади.

Қайд этиш керак, Унаи Эмери шогирдлари Европа Лигасининг сўнгги икки мавсумида бош совринни қўлга киритган. Европанинг бирорта ҳам жамоаси бу мусобақада кетма-кет уч бор зафар қуча олмаган.

Испания Ла Лигаси 32-тур беллашувлари 10 апрель, якшанба

«Валенсия» — «Севилья» 2:1

• Ла Лига, 32-тур. «Реал» йирик ғалабаси эвазига турнир жадвалида «Атлетико»дан ўзиб кетиб, 2-ўринга кўтарилиб олди

• Ла Лига, 32-тур. «Атлетико» сафарда зафар қучиб, ҳамшаҳри «Реал»дан 2-ўринни 2 соат ичида тортиб олди

• Ла Лига, 32-тур. Мадрид клублари зафар қучган кунда, «Барселона» сафарда «Реал Сосьедад»га имкониятни бой берди