Енгил атлетика бўйича Швеция терма жамоаси собиқ мураббийи Ульф Карлссон Sportbladet нашрида эълон қилинган очиқ мактубида «ПСЖ» футбол клубининг швециялик ҳужумчиси Златан Ибрагимовични допинг қабул қилишда айблагани учун узр сўради. Бу ҳақда «ТАСС» хабар бермоқда
«Баҳс чоғида янглиш фикр билдирдим. Ҳозир айтганларим нотўғри тушунилган бўлиши мумкинлигини англаб турибман. Бундай бўлишини истамагандим, шу сабабли ўзим Швеция тарихидаги энг яхши футболчи деб санайдиган Ибрагимовичдан узр сўрамоқчиман», — дея ёзган Карлссон.
Эслатиб ўтамиз, Карлссон 2004–2006 йилларда Италиянинг «Ювентус» клубида тўп сурган ва Турин клубида 6 ойи давомида 10 килограмм мушак массасини тўплаган швециялик ҳужумчини допинг қабул қилишда айблаганди. Ўз навбатида, Ибрагимовичнинг агенти Мино Райола Карлссон билан судлашилишини маълум қилди.
Изоҳ (0)