Шорт-трек бўйича собиқ Жаҳон чемпиони Жанубий кореялик Но Жин Гю 23 ёшида вафот этди

Шорт-трек бўйича собиқ Жаҳон чемпиони, Жанубий Корея вакили Но Жин Гю 23 ёшида саратон хасталигидан вафот этди, деб хабар беради «РИА Новости».

Спортчининг опаси, конькида югурувчи Но Сон Ен ўзининг Facebook’даги саҳифасида Но Жин Гюнинг 3 апрель, якшанба куни вафот этганини маълум қилди.

2013 йилда Но Жин Гюнинг чап елкасида безарар ўсимта борлиги аниқланган, бироқ жарроҳлик амалиёти спортчининг Сочи–2014 қишки Олимпиада ўйинларига тайёргарлик кўриши сабабли қолдирилган эди. Но Жин Гю Сочи–2014 ўйинларига бир ой қолганида, машғулотлар вақтида тирсагини синдириб олганди. Тиббий текширувдан сўнг унда остеосаркома борлиги маълум бўлиб, ўсимта 13 сантиметргача катталашишга улгурган эди.

Шундан сўнг Но Жин Гю ўзини яхши ҳис қила бошлади. Ўтган йили эса у 2022 йили Пекинда бўлиб ўтадиган қишки Олимпиада ўйинларида иштирок этиш нияти борлиги ҳақида айтиб ўтганди. Лекин унинг аҳволи яна оғирлашди.

Но Жин Гю 2011 йилда 1500 ва 3000 метр масофада жаҳон рекордини ўратган эди. Ўша йилнинг ўзида у кўпкураш бўйича Жаҳон чемпионатида ғолиб бўлганди.