Британиянинг The Sunday Times газетаси 150 нафар етакчи британиялик спортчилар допингга минглаб фунт сарфлаганини кўрсатган тадқиқот натижаларини эълон қилди, деб ёзади «РБК». Тақиқланган препаратларни улар доктор Марк Бонардан олган. У ўзини яширин камера билан тасвирга олишаётганини билмаган ҳолда, бу ҳақда гапириб берди.
Лондондаги хусусий клиника раҳбари бўлмиш Бонар мижозларнинг кенг тармоғига эга эканлиги, улар унинг ёрдами билан тақиқланган препаратларни қабул қилишини айтди. Бундай мижозлар орасида Тур де Франс велопойгасининг британиялик иштирокчилари, бокс чемпионлари, теннисчилар, шунингдек, «Арсенал», «Челси», «Лестер» ва «Бирмингем» футбол жамоалари ўйинчилари бор. Мақолада уларнинг исмлари келтирилмаган, газета эса унда докторнинг сўзларини исботловчи далил йўқлигини тан олди.
Британия антидопинг агентлиги икки йил аввалроқ Бонарнинг фаолиятидан хабар топган, аммо унинг олдини олиш бўйича ҳеч нарса қилмаган. Шу туфайли Буюк Британия маданият, ОАВ ва спорт вазири бу борада текширув бошлашни буюрди.
Изоҳ (0)