Фотогалерея: «Реал Мадрид» бир киши кам бўлиб «Камп Ноу»да «Барселона»ни мағлуб этди
Тошкент вақти билан 3 апрелга ўтар кечаси Барселонада «Барселона» ва «Реал Мадрид» футбол клублари ўртасида Испания чемпионати 31-тур учрашуви бўлиб ўтди. Ўйин 2:1 ҳисобида меҳмонлар — «Реал Мадрид» фойдасига ҳал бўлди. Қайд этиш жоиз, 2015 йилнинг 21 ноябрь куни Мадридда бўлиб ўтган баҳсда «Барселона» 4:0 ҳисобида ғалаба қозонган эди.
Бир неча кун аввал голландиялик футболчи ва мураббий, «Барселона» сафида порлаган Йохан Кройфф вафот этган эди. Ўйин бошида мухлислар ҳам, футболчилар ҳам афсонавий юлдуз хотирасига ҳурмат бажо келтирди.
Фото: Getty Images
Фото: Getty Images
Бу кеча «Раҳмат, Йохан» ёзувини нафақат «Камп Ноу»даги намойишда, балки «Барселона» футболчиларининг либосларида ҳам кўриш мумкин эди.
Фото: Getty Images
Ўйиндаги дастлабки баҳсли вазият — Месси «Реал Мадрид» жарима майдончаси чизиғи устида қўполлик билан тўхтатилмоқда. Бироқ учрашув бош ҳаками бу ҳолатни эътиборсиз қолдирди.
Фото: Getty Images
Учрашувда ҳисоб очилган вазият — Херард Пике бош билан гол урмоқда.
Фото: Getty Images
«Реал Мадрид» бош мураббийи Зинедин Зидан (яқин планда) ва «Барселона» бош мураббийи Луис Энрике (узоқ планда).
Ваҳоланки, ўйин олдидан «Дарё» нашри томонидан ташкил этилган сўровномада иштирок этганларнинг қарийб 19 фоизи (542 киши) бу класикода Месси ҳам, Роналду ҳам қаҳрамон бўла олмайди, деб ҳисоблаган эди.
Изоҳ (0)