Каталониянинг «Барселона» футбол клуби бош мураббийи Луис Энрике «Реал Мадрид»га қарши Испания чемпионати 31-тур учрашувидан сўнг ўз фикрлари билан ўртоқлашди, дея хабар бермоқда BarcaStuff.
«Барселона» ва «Реал Мадрид» ўртасидаги учрашув Тошкент вақти билан 3 апрелга ўтар кечаси бўлиб ўтди. Унда «Реал Мадрид» 2:1 ҳисобида ғалаба қозонди.
«‘Реал’ ҳимояда ўйнаб, қарши ҳужумлар учун пайт пойлади. Биз деярли бутун учрашув давомида ўйиннинг боришини назорат қилиб турдик, бироқ сўнг 10—15 дақиқада ҳаммаси ўзгарди», — деди Луис Энрике.
«Биз энди тезроқ ҳаракат қилишимиз керак. Мағлубиятлардан ҳам самара чиқариш мумкин. Кейинги учрашувларни тайёргаликни давом эттирамиз, биламиз, бу ўйинлар осон бўлмайди», — деди «Барселона» бош мураббийи.
«Рамос майдондан жуда кеч четлатилди? Мен ҳакамнинг қарорларига изоҳ беришга одатланмаган», — дея қўшимча қилди «Барселона» бош мураббийи Луис Энрике.
Маълумот учун, 39 ўйинлик мағлубиятсиз серияси «Эль-Класико»да якунига етган «Барселона» 76 очко билан лига пешқадами бўлиб турибди. Мадрид клубларидан «Атлетико» 70, «Реал» 69 очкога эга.
Изоҳ (0)