АҚШнинг Индиана штатида мактаб автобуси иштирокида юз берган йўл-транспорт ҳодисаси оқибатида 29 киши касалхонага ётқизилди. Бу ҳақда «РБК» хабар бермоқда.
Полиция маълумотларига кўра, Гриффит мактабининг баскетбол жамоасини олиб кетаётган автобус, унга Kia автомобилининг келиб урилиши натижасида, ағдарилиб кетган.
Хабар беришларича, Kia’ни бошқариб келаётган 23 ёшли қиз, ичаётган ичимлигини тўкиб юборгани сабаб, автомобиль бошқарувини йўқотиб, автобусга бориб урилган.
Автобус салонида бўлган 21 ўқувчи ва олти нафар катта ёшли йўловчи энг яқин касалхонага етказилган. Автобус ҳайдовчиси ва Kia’нинг эгаси ҳам касалхонага ётқизилган.
Полиция вакилларининг маълум қилишича, жабрланувчиларнинг ҳаётига ҳеч қандай хавф йўқ.
Изоҳ (0)