Сан-Паулунинг шимолий қисмидаги турар-жой устига самолёт қулаши оқибатида етти киши ҳалок бўлди, дея хабар бермоқда «ТАСС».
Маълумотларга кўра, ҳалок бўлганларнинг барчаси Сан-Паулудан Рио-де-Жанейрога учаётган CA-9 русумли самолёт бортида бўлган. Самолёт қулаган бино ичидаги одамлар эса, дастлабки маълумотларга кўра, омон қолган.
Globo нашри маълумотларига кўра, ҳалок бўлганлар орасида Vale тоғ-кон компаниясининг собиқ президенти Рожер Агнелли ва унинг яқин қариндошлари бўлган.
Гувоҳларнинг сўзларига кўра, авиаҳалокат самолёт ҳавога кўтарилиши билан рўй берган. Айтишларича, учувчилар баландликка кўтарилишда муаммога дуч келаётгани очиқ кўриниб турган: самолёт жуда паст учган.
Изоҳ (0)