19 март куни Россия шаҳарларида «Ер соати» акциясини Ростов-Дондаги самолёт ҳалокати қурбонлари хотирасига бағишлашди, деб ёзади Meduza.
Россиянинг «Ер соати» акциясида иштирок этаётган Москва ва бошқа юздан ортиқ шаҳарларида акцияга бағишланган барча кўнгилочар тадбирлар бекор қилинди. Москвадаги Қизил майдонда бир дақиқалик сукут сақланди.
«Ер соати» Жаҳон ёввойи табиат фондининг анъанавий халқаро экологик акцияси бўлиб, унинг доирасида унда қатнашаётган ҳар бир шаҳардаги энг машҳур биноларни ёритиб турган чироқлар ўчирилади. Акция 2006 йилдан буён ўтказиб келинади, Россия унда 2008 йилдан бошлаб қатнашмоқда.
Эслатиб ўтамиз, 19 март, шанба куни FlyDubai авиакомпаниясига тегишли Boeing 737-800 лайнери Россиянинг Ростов-Дон шаҳри аэропортига қўниш вақтида ҳалокатга учради. Ҳодиса оқибатида самолёт бортида бўлган барча йўловчилар ва экипаж аъзолари ҳалок бўлган. Самолёт бортидаги йўловчилардан бири ўзбекистонлик бўлган.
Изоҳ (0)