Россия аҳоли сонига нисбатан қотилликлар миқдори бўйича дунёда учинчи ўринни эгаллади. Бу ҳақда Россия бош прокуратураси маълумотларига таяниб, «Интерфакс» хабар бермоқда.
2015 йили Россияда жиноятчилар қўлидан 14,5 мингдан зиёд одам ёки 100 минг аҳолидан 10,2 киши ҳалок бўлган. АҚШда ҳам деярли шунча киши нобуд бўлган (14,7 минг), бироқ аҳоли сонини ҳисобга олганда, ушбу кўрсаткич 100 минг аҳолига 5 кишини ташкил этмоқда (тўртинчи ўрин).
Биринчи ва иккинчи ўринларни тегишли равишда 27,2 ва 40,9 минг одам ўлдирилган Мексика ва Бразилия эгаллаган (23,7 ва 21 киши).
Энг кўп қотилликлар (салкам 43 минг) Ҳиндистонда кузатилган, мамлакат 3,46 коэффицент билан бешинчи қаторни банд этган. Ундан кейинги ўринларда Буюк Британия ва Миср жойлашган (1,2).
Бу борадаги энг яхши кўрсаткич Япония (100 минг аҳолига 0,4 киши), Германия (0,8), шунингдек, Хитой ва Австралияда (1) қайд этилган.
Изоҳ (0)