Ҳиндистон гравитацияли тўлқинларни ўрганиш учун ўз лабораториясини ишга туширади. Бу ҳақда «РИА Новости» хабар бермоқда.
«ЛИГО лойиҳаси (лазер-интерферометрик гравитация-тўлқинли обсерватория) Ҳиндистонда АҚШдаги Калифорния ва Массачусетс технология университетлари бошқарувидаги ЛИГО обсерваторияси билан ҳамкорликда гравитацияли тўлқинларни кузатиш учун замонавий обсерватория қуради», — дея маълум қилинади мамлакат вазирлар маҳкамаси хабарида.
Лойиҳа доирасида Ҳиндистонда саккиз километрли вакуумли нур қувури қурилади.
Маълумот учун, Алберт Эйнштейн мавжудлигини башорат қилганидан сўнг 100 йил ўтиб, америкалик олимлар ўтган ҳафтада гравитацияли тўлқинлар аниқланганини эълон қилди. Тўлқинлар 2015 йил 14 сентябрида ЛИГО гравитация обсерваторияси детекторларида қайд этилган.
Изоҳ (0)