Тайсон Фьюри Владимир Кличко билан реванш жангини исталган ерда ўтказишга тайёрлигини маълум қилди. Бу ҳақда унинг Sky Sports’га берган интервьюсига таяниб, «Корреспондент.net» хабар беради.
«Мен Манчестердаги ‘Олд Траффорд’да курашишни истаган бўлардим, лекин, умуман олиб қараганда, менга фарқи йўқ. Мен Кличко билан дунёнинг исталган нуқтасида курашишга тайёрман. У мени ўзининг ҳудудида, ўз мухлисларининг қўллаб-қувватлаши билан енга олмаган экан, энди ҳеч қаерда енга олмайди!», — деди Тайсон Фьюри.
Аввалроқ британиялик боксчи Тайсон Фьюри ва украиналик Владимир Кличко ўртасида реванш жангини ўтказиш 2016 йилнинг 7 май кунига режалаштирилганлиги ҳақида хабар қилинган эди.
Эслатиб ўтамиз, Дюссельдорфда (Германия) 2015 йилнинг 29 ноябрга ўтар кечаси WBA (Super), WBO ва IBF йўналишлари бўйича ўта оғир вазндаги жаҳон чемпиони Владимир Кличко ва Тайсон Фьюри ўртасида жанг бўлиб ўтган ва унда ҳакамларнинг якдил қарорига кўра Фьюри ғолиб деб топилган эди.
Изоҳ (0)