ФИФА расмий сайти октябрь ойи учун терма жамоалар рейтингини эълон қилди, деб хабар беради Ўзбекистон футбол федерацияси матбуот хизмати.
Ўзбекистон миллий терма жамоаси ушбу рейтингда ўтган ойга қараганда уч поғона юқорилади ва айни вақтда 71-ўриндан жой олди. Ҳозирги вақтда Ўзбекистон ҳисобида 464 очко мавжуд.
Осиё қитъаси терма жамоалари орасида Ўзбекистон 6-ўринда бормоқда. Ундан юқори ўринларни эса Эрон, Жанубий Корея, Япония, Австралия ҳамда Бирлашган Араб Амирликлари терма жамоалари эгаллаб турибди.
Жаҳон рейтингида эса энг юқори поғонага Бельгия терма жамоаси чиқиб олди. Кучли учликдан, шунингдек, жаҳон чемпионати финалчилари Германия ва Аргентина терма жамоалари ўрин олган.
Изоҳ (0)