FIFA rasmiy sayti oktabr oyi uchun terma jamoalar reytingini e’lon qildi, deb xabar beradi O‘zbekiston futbol federatsiyasi matbuot xizmati.
O‘zbekiston milliy terma jamoasi ushbu reytingda o‘tgan oyga qaraganda uch pog‘ona yuqoriladi va ayni vaqtda 71-o‘rindan joy oldi. Hozirgi vaqtda O‘zbekiston hisobida 464 ochko mavjud.
Osiyo qit’asi terma jamoalari orasida O‘zbekiston 6-o‘rinda bormoqda. Undan yuqori o‘rinlarni esa Eron, Janubiy Koreya, Yaponiya, Avstraliya hamda Birlashgan Arab Amirliklari terma jamoalari egallab turibdi.
Jahon reytingida esa eng yuqori pog‘onaga Belgiya terma jamoasi chiqib oldi. Kuchli uchlikdan, shuningdek, jahon chempionati finalchilari Germaniya va Argentina terma jamoalari o‘rin olgan.
Izoh (0)