Германиянинг Экентал шаҳрида теннис бўйича «Челленжер» туркумига кирувчи, соврин жамғармаси 35 минг евродан иборат бўлган турнирнинг асосий тўр баҳслари давом этмоқда, дея хабар бермоқда «Оламспорт».
Мусобақада қатнашаётган ўзбекистонлик теннисчи Фаррух Дўстов жуфтликлар баҳсида иккинчи даврага йўлланма олгани ҳақида аввалроқ хабар берилган эди.
Бироқ, Ўзбекистоннинг иккинчи ракеткаси 4 ноябрь куни бўлиб ўтган яккалик баҳслари биринчи босқичи доирасида Босния ва Герцеговина вакили Мирза Басичга қарши кортга чиқиб, ютқазди.
Мусобақанинг яккалик баҳсларида 8-рақам остида таснифланган Фаррух Дўстов босниялик рақибига 1:6, 6:7 ҳисобида имкониятни бой берди.
Изоҳ (0)