Россия фуқаролигини олган машҳур америкалик боксчи Рой Жонс 90,71 килограммгача бўлган вазн тоифасида, Жаҳон бокс ассоциацияси (WBA)нинг верциаси бўйича («супер» қўшимчаси билан) жаҳон чемпионлиги унвонига эга бўлиш учун 12 декабрь куни Москвада жанг қилади. Бу ҳақда унинг промоутери Владимир Хрюнов берган маълумотига асосланиб, «ТАСС» хабар бермоқда.
Промоутер Хрюновнинг таъкидлашича, кейинги ҳафта Москвада матбуот анжумани ўтказилади ва унда айни пайтда виза олаётган унинг рақиби билан унинг ўзи иштирок этади. Жанг WBA’нинг «супер чемпион» унвонини эгаллаш учун ўтказилади. Учрашув «ВТБ Ледовий дворец» майдонида, 12 декабрда бўлиб ўтади.
Айни пайтда (2012 йилдан буён) «муваққат» жаҳон чемпиони унвонини россиялик Денис Лебедев эгаллаб келмоқда.
Ўз вақтида Рой Жонс вазн тоифасидан қатъи назар жаҳоннонг энг кучли боксчиси ҳисобланган. У тўртта вазн тоифаси бўйича жаҳон чемпиони бўлишга эришган. Жонс ноёб ютуқни қўлга киритган бўлиб, у – ўрта, иккинчи ўта, ярим оғир ва оғир вазн тоифалари бўйича чемпионлик камарларини ютиб олган ягона боксчи ҳисобланади. Профессионал рингдаги фаолиятида унинг ҳисобида жами 62 та ғалаба (шундан 45 таси нокаут билан) ва саккизта мағлубият мавжуд.
Изоҳ (0)