Тошкентдаги Республика олимпия захиралари теннис мактаби кортларида ўтказилаётган Tashkent Challenger мусобақасида асосий тўр баҳслари бошланди, дея хабар бермоқда Ўзбекистон Миллий олимпия қўмитаси матбуот хизмати.
Мусобақанинг дастлабки кунида Ўзбекистоннинг иккинчи рақамли теннисчиси Фаррух Дўстов Босния ва Герцеговина вакили Алдин Сеткичга қарши кортга чиқиб, икки сет якунига кўра 6:2, 7:5 ҳисобида зафар қучгани ҳақида хабар берилган эди. Иккинчи даврада Фаррух Дўстов россиялик Константин Кравчук ҳамда украиналик Денис Молчанов жуфтлиги ғолиби билан баҳс юритади.
Биринчи кунги баҳсларда, шунингдек, Ўзбекистоннинг биринчи рақамли теннисчиси Денис Истомин беларуслик шериги Александр Бурий билан жуфтликда россиялик Константин Кравчук ва молдовалик Денис Малчанов дуэтини 6:4, 4:6, тай-брекда 10:6 ҳисобида мағлуб этди.
Жуфтликлар баҳсида иштирок этаётган яна икки ўзбекистонлик — Санжар Файзиев ва Жўрабек Каримов жуфтлиги ҳам дастлабки босқчида зафар қучди — улар илк учрашувда хорватиялик Франко Шкугор ва Никола Меткич жуфтлигини 6:3, 6:4 ҳисобида мағлуб этди.
Изоҳ (0)