Япония пойтахти Токио шаҳрида бадиий гимнастика бўйича клублар ўртасида жаҳон чемпионати баҳслари ўтказилди, деб хабар беради Ўзбекистон Миллий олимпия қўмитаси матбуот хизмати.
Бу йилги мусобақада Япония, Ўзбекистон, Австрия, Озарбайжон, Беларусь, Бельгия, Россия, Италия, Канада, Венгрия, Грузия, Малайзия, Эстония ва яна бир қатор давлатлардан жами 20 жамоа ғолиблик учун кураш олиб борди.
Мусобақа қоидасига кўра, ҳар бир жамоада иккитадан катта ёшдаги ва бир нафар кичик ёшдаги спортчилар ўрин эгаллаши керак. Ўзбекистон шарафини ҳимоя қилган «Гармония Элит» жамоаси таркибидан Анастасия Сердюкова, Равиля Фархутдинова ва ёш спортчи Сабина Ташкенбаева ўрин эгаллади.
Қизғин кечган мусобақалар якунларига кўра, Сабина Ташкенбаева ёш гимнастикачилар ўртасида ўтказилган шахсий ҳисобдаги мусобақада кумуш медаль совриндори бўлди.
Маълумот учун. Мазкур мусобақа 1992 йилдан буён ўтказилиб келинади ва унда дунёнинг кучли клублари иштирок этади.
Изоҳ (0)