Греция янги кредит линиясини очишни сўраб Халқаро валюта жамғармасига расмий сўров йўллади. «Liga.net» хабарига кўра, бу ҳақда Греция молия вазири Эвклид Сакалотоснинг жамғарма раҳбари Кристин Лагард номига йўллаган мактубида сўз боради.
Аввалроқ жамғарма вакили Жерри Райс янги кредит линиясини очиш учун Греция дастлаб расмий жиҳатдан жамғарма билан музокараларни бошлаши кераклигини маълум қилганди.
24 июль, жума куни умумий қиймати 86 миллиард евро бўлган учинчи ёрдам дастурини ишга тушириш масаласида музокаралар ўтказиш учун Грецияга ХВЖ делегацияси ташриф буюрганди. Бироқ ташкилотчилар делегация учун хавфсиз жой топа олмаётгани сабаб, музокаралар ҳали бошланганича йўқ.
Изоҳ (0)