Gretsiya yangi kredit liniyasini ochishni so‘rab Xalqaro valyuta jamg‘armasiga rasmiy so‘rov yo‘lladi. “Liga.net” xabariga ko‘ra, bu haqda Gretsiya moliya vaziri Evklid Sakalotosning jamg‘arma rahbari Kristin Lagard nomiga yo‘llagan maktubida so‘z boradi.
Avvalroq jamg‘arma vakili Jerri Rays yangi kredit liniyasini ochish uchun Gretsiya dastlab rasmiy jihatdan jamg‘arma bilan muzokaralarni boshlashi kerakligini ma’lum qilgandi.
24-iyul, juma kuni umumiy qiymati 86 milliard yevro bo‘lgan uchinchi yordam dasturini ishga tushirish masalasida muzokaralar o‘tkazish uchun Gretsiyaga XVJ delegatsiyasi tashrif buyurgandi. Biroq tashkilotchilar delegatsiya uchun xavfsiz joy topa olmayotgani sabab, muzokaralar hali boshlanganicha yo‘q.
Izoh (0)