Россиянинг Санкт-Петербург шаҳридаги тўй кортежи иштирокчилари отишма келтириб чиқарди. Бу ҳақда LifeNews хабар бермоқда.
Нашрнинг полициядаги манбалари берган маълумотга кўра, шаҳар аҳолиси Адмиралтейский туманида тўқ кўк рангли Bentley автомобилини бошқариб кетаётган номаълум шахслар ҳавога қарата ўқотар қуролдан ўт очганини маълум қилган. Шунингдек, гувоҳлар Audi ва BMW автомобилларидан ҳам ўқ отилгани устидан шикоят қилган.
Кейинроқ мазкур автомобилларнинг барчаси битта тўй кортежида кетаётгани маълум бўлди. Автомобиллар 24 июль куни бўлган тўй учун маҳаллий ишбилармонларнинг бири томонидан ижарага олинган.
Қайд этишларича, бизнесменнинг ўзи отишма юз берганини рад этмоқда. Унинг маълум қилишича, кортеж фақат бир марта — светофорнинг тақиқловчи қизил чироғига ўтиб кетиб, фақатгина йўл ҳаракати қоидаларини бузган, холос.
Изоҳ (0)