Ҳиндистон шимолидаги Жамму ва Кашмир штатида 11 май куни йўловчи автобуси билан содир бўлган йўл-транспорт ҳодисаси натижасида 23 киши ҳаётдан кўз юмди, 35 киши турли тан жароҳати олди, деб хабар қилади ТАСС.
Транспорт воситаси йўлдан чиқиб кетган ва 60 метрли дарага қулаган. Дастлабки маълумотларга кўра, машина ҳайдовчиси бошқарувни йўқотган.
Округ полицияси бошлиғининг ўринбосари Яши Мудгала сўзларига кўра, шифохонага етказилган 6 кишининг аҳволи оғир.
«Воқеа жойида қутқарув операцияси давом этмоқда ва қурбонлар сони яна ортиши мумкин», — деди Мудгала.
Ҳиндистон йўл-транспорт ҳодисалари натижасидаги ўлим сони бўйича дунёда биринчи ўринда туради. 2011 йилда мамлакат йўлларидаги аварияларда 140 минг, 2012 йилда 150 минг киши ҳаётдан кўз юмди. ЙТҲнинг 70 фоизи одамларнинг айби билан рўй беради.
Изоҳ (0)