Польша президентлиги учун ўтказилаётган сайловнинг биринчи босқичидан сўнг амалдаги президент Бронислав Коморовский фуқароларнинг ўз хоҳишини эркин ифодалаши, сиёсий партияларни молиялаштириш ва солиқ қонунчилиги масалалари бўйича референдум тез орада бўлиб ўтишини маълум қилди, деб хабар беради «РИА Новости».
«Жамоатчилик фикрини билиш орқали бу ўзгаришлар тез орада амалга оширилиши мумкинлигига аминман», — деди президент.
Коморовскийнинг сўзларига кўра, бу масалаларни ислоҳ қилиш ғояси президент саройида анчадан бери бор бўлган, аммо сўнгги кунлардаги ҳодисалар референдум тез орада ўтказилиши кераклигини кўрсатди.
Мустақил номзод Павел Кукиз ўзининг сайловолди дастури сифатида фуқароларнинг ўз хоҳишини эркин ифодалаш масаласини кўтариб чиққанди. У сайловда 20,5 фоиз овоз билан учинчи натижани кўрсатди. Сайловнинг иккинчи босқичига 34,5 фоиз овоз тўплаган Анжей Дуса ва 33,1 овоз олган амалдаги президент Бронислав Коморовский чиқди. Иккинчи босқич 24 май куни ўтказилади.
Изоҳ (0)