Австралия полицияси теракт содир этишга тайёргарлик кўраётганликда гумон қилинаётган ўспиринни 8 май, жума куни ҳибсга олди, деб хабар беради ТАСС.
17 ёшли ўсмирнинг қўлга олинганини Виктория штати полиция комиссари Роберт Хилл тасдиқлади. Аммо у гумонланувчи қаерга портловчи ускунани қўйиб, уни қачон портлатмоқчи бўлгани ҳақидаги саволга жавоб бермади. Хилл гумондорни анчадан бери кузатишганини ҳам таъкидлаб ўтди.
«Фаол текширув ишлари 9 кун давом этди ва пайшанба куни чора кўришга қарор қилинди».
Унинг уйидан топилган портловчи қурилмалар хавфсиз жойга олиб кетилди ва зарарсизлантирилди. Исми ошкор қилинмаётган ўсмирга нисбатан террорчилик фаолияти бўйича иккита айблов қўйилди. Полиция у ёлғиз ҳаракат қилганига ишонмаётгани учун ўспириннинг дўстлари ва танишларини текширяпти.
Изоҳ (0)