Фарғона шаҳрида яшовчи Д.Авазметованинг уйида иситиш печининг ёнида турган елим идишдаги енгил алангаланувчи суюқликнинг (бензин) қизиб кетиши оқибатида ёнғин содир бўлиб, уйнинг 35 кв. метр майдонда томи ва шифти ёниб зарарланган. Бу ҳақда Ички ишлар вазирлиги матбуот хизмати хабар бермоқда.
Ёнғин ўчириш вақтида уй эгаси куйиш тан жароҳати олган ҳолда шифохонага ётқизилган.
Тошкент вилояти Бўстонлиқ туманида яшовчи Т.Икрамованинг келини С.Икрамова пахта ёғини доғлаш учун газ плитасига қўйиб, бошқа уй юмушлари билан банд бўлган. Уй бекасининг хаёлидан кўтарилган пахта ёғи қизиб кетиши натижасида алангаланиб, уйнинг 90 кв. метр майдонда том қисми ва жиҳозларининг ёниб зарарланишига сабаб бўлди.
Ўтган ҳафта мобайнида республикамиз ҳудудида 185 та ёнғинлар содир бўлганлиги қайд этилган.
Турли сабабларга кўра содир бўлган ёнғинларда 8 нафар фуқаролар тан жароҳатлари олишган ва 1 нафар фуқаро ҳалок бўлган. Ушбу ёнғинларда 1 миллиард 95 миллион 659 минг сўмдан ортиқ қурилиш материаллари ва 713 миллион 892 минг сўмга яқин моддий бойликлар ёнғиндан сақлаб қолинган.
Изоҳ (0)