Google компанияси 19 январдан Glass Explorer дастурининг ёпилишини ва Google Glass ақлли кўзойнаклари сотуви тўхтатилишини эълон қилди, дея хабар берди «Российская газета». Қурилма эгалари янгиланмалар олишдан тўхтайди.
Компаниядагиларнинг аниқлик киритишича, жамиятда ушбу гаджет юзасидан зиддиятлар юзага келгани уни мукаммаллаштириш эҳтиёжини келтириб чиқарган. Шу билан бирга Google дастур ишлаб чиқувчи компанияларга ақлли кўзойнакларни етказиб беришда давом этади.
Қурилма яратувчилари сўзларига кўра, синов дастури давомида кўзойнак ҳақида кўплаб ижобий ва салбий фикрлар олинган, уларнинг барчаси янги версияни яратишда ҳисобга олинади.
Изоҳ (0)