Маҳаллий Artel компанияси Artel P1 mini смартфонининг аёллар учун махсус версиясини чиқарди, дея хабар бермоқда «Mobinfo.uz».
Artel Anor деб номланган ушбу модель қизил корпусда бўлиб, у истеъмолчиларга махсус ўрамда тақдим этилади. Қурилма харидорлари совға сифатида қимматбаҳо тошли зирак соҳибаларига айланади.
Смартфон қирмизи корпусидан ташқари, Artel P1 mini’дан ҳеч ҳам фарқ қилмайди.
Эслатиб ўтамиз, Artel P1 mini’га 4 дюйм 800×480 пикселли дисплей, 1,3 ГГц частотага эга икки ядроли процессор, 0,3 мегапикселли олд ва 5 мегапикселли орқа камера, 512 Мб тезкор ва 4 Гб ички хотира (+MicroSD), 1600 мА·соат қувватга эга батарея ўрнатилган. У икки SIM-картали ва Android 4.2 операцион тизимида ишлайди.
Пойтахтдаги «Флешка» савдо мажмуасида Artel Anor смартфони 410 минг сўмдан сотилмоқда. Таққослаш учун, Artel P1 mini’ни бу ерда 320 минг сўмга харид қилиш мумкин.
Изоҳ (0)