Тошкентда Huawei Ascend G7 смартфонини 1,25 млн сўмга харид қилиш мумкин

Huawei компаниясининг Ascend G7 смартфони Ўзбекистонда сотила бошлади, дея хабар бермоқда «Mobinfo.uz». У кузда Берлиндаги IFА 2014 кўргазмаси доирасида тақдим этилган эди.

Кучли 64 битли процессоридан ташқари, янги қурилма ўзининг наноқуйиш технологияси (Nano Molding Technology) бўйича ясалган металл корпуси билан ажралиб туради.

Huawei Ascend G7 1280×720 пиксель 5,5 дюймли Full HD IPS дисплей, 8 ядроли Huawei Kirin 925 процессори, 2 Гб тезкор ва 16 Гб ички хотира (+MicroSD) билан таъминланган.

Қурилма 13 мегапикселли асосий ва 5 мегапикселли олд камерага эга. Смартфоннинг ўлчамлари 153,5×77,3×7,6 мм, оғирлиги 165 граммга тенг.

Ascend G7 аккумулятори сиғими 4100 мА/соат ни ташкил этади. Смартфон корпусининг орқа қисмида бармоқ изи сканери жойлашган. Қурилма Android KitKat 4.4 операцион тизимида ишлайди.

Huawei Ascend G7 пойтахтдаги «Флешка» савдо мажмуасида 1,25 миллион сўмдан сотилмоқда.