Бутунжаҳон шахмат олимпиадасида Ўзбекистон ёшлари илк бор мағлубиятга учради

Венгриянинг Дьёр шаҳрида шахмат бўйича 16 ёшгача бўлган шахматчилар ўртасида Бутунжаҳон ёшлар шахмат олимпиадаси (World Youth U-16 Chess Olympiad 2014) давом этяпти. Кеча, 16 декабрь куни мусобақада 5-тур учрашувлари ўтказилди, деб хабар бермоқда «Olamsport».

Шахмат Олимпиадасида 21-рақам остида таснифланган Ўзбекистон ёшлар терма жамоаси 5-турда Венгриянинг биринчи рақамли жамоасига қарши дона сурди.

Учрашувда кучли ҳисобланган мезбонлар 3:1 ҳисобида ғалаба қозонди. Бу Ўзбекистон терма жамоасининг илк мағлубияти бўлди. Тан олиш керак, рақиб жамоа шахматчилари рейтингда Ўзбекистон ёшларидан анча юқорида жойлашганди.

5-тур натижалари:

• Бенжамин Гледура IM (2450) — Ортиқ Ниғматов (2236): 0,5:0,5
• Бенче Корпа IM (2415) — Нодирбек Ёқуббоев (2144): 0,5:0,5
• Гергели Кантор IM (2385) — Баҳора Абдусатторова WFM (2216): 1: 0
• Тибор Кенде Антал FM (2292) — Нодирбек Абдусатторов FM (2186): 1:0