Австралиялик крикетчи бошига копток урилиши натижасида вафот этди

Австралиянинг крикет бўйича терма жамоаси ўйинчиси Филип Хьюз Сиднейдаги касалхонада вафот этди, дея хабар бермоқда «Корреспондент.net». Бунга унинг икки кун аввалги ўйинда копток зарби туфайли бош мия жароҳати олгани сабаб бўлди.

Австралия термаси шифокори Питер Брукнер спортчининг 25 ноябрь, сешанба кунги жароҳатдан сўнг ҳушига келмаганини маълум қилди.

25 ёшли Хьюзни тўғри ўйин майдонидан касалхонага етказишди. Жонлантириш машинаси ҳодисадан 23 дақиқа ўтибгина етиб келди, шу туфайли шошилинч хизмат жиддий танқидга учради.