Россиялик тадбиркор, Англиянинг «Арсенал» футбол клуби акциядори Алишер Усмонов жамоанинг ушбу мавсумдаги стартини сўнгги 32 йил ичидаги энг ёмони деб атади. Бу ҳақда Усмоновнинг CNBS (АҚШ) каналига берган интервьюсига таяниб, ТАСС хабар берди.
«Менинг фикримча клубнинг ҳар бир позицияси кучайтирилиши керак, — деди Усмонов. — Фақат шунда биз Европанинг етакчи жамоалари — «Челси», «Манчестер Сити», «Реал», «Барселона», «Бавария», «ПСЖ» даражасида ўйнай оламиз. Жамоада потенциал бор, бироқ сўнгги пайтларда йўл қўйилган хатоларни ҳеч ким тан олмаяпти».
Усмонов, шунингдек «Арсенал»нинг бош мураббийи Арсен Венгер самарадорлигини шубҳа остига олди, унинг ўз хатоларини тан олмаётганини таъкидлади.
Изоҳ (0)