Аргентинада футбол ишқибозлари «Тиро Федерал де ла Роха» жамоаси аъзоси Франко Антонио Ниетони ғишт зарби билан ўлдирди. Бу ҳақда Championat.com хабар берди.
Воқеа 29 ноябрь куни Аргентина учинчи дивизиони чемпионатида иштирок этаётган «Чакарита» ва «Тиро Федерал де ла Роза» клублари ўртасидаги ўйиндан сўнг содир бўлди. Учрашув якунланишига 15 дақиқа қолганида футболчилар ўртасида юзага келган жанжал туфайли ҳакам ўйинни тўхтатди. Натижада «Тиро Федерал де ла Роза» ўйинчиси Нието майдондан четлатилди.
У ўйиндан сўнг уйига машинасида қайтаётган вақтида «Чакарита» мухлислари ҳужумига учради. Улар отган ғишт футболчининг бошига тегди ва Ниего ҳушини йўқотди. У шифохонага етказилди, бироқ бир неча кундан сўнг вафот этди.
Изоҳ (0)