ФИФА рефериси Равшан Эрматов бошчилигидаги ўзбекистонлик ҳакамлар бригадаси Ҳиндистон Суперлигаси учрашувларини бошқариш учун иккинчи марта таклиф олди. Бу ҳақда Ўзбекистон Футбол Федерацияси расмий сайти хабар бермоқда.
Ҳиндистон Футбол Федерацияси таклифига кўра Эрматов бригадаси 17—26 декабрь кунлари оралиғида Ҳиндистон Суперлигаси ўйинларини бошқариб боради. Ушбу баҳсларда Эрматовга қанотларда ФИФА лайнсменлари Абдуҳамидилло Расулов ва Жаҳонгир Саидовлар ёрдам беради.
Эслатиб ўтамиз, бу Эрматов ва унинг бригадаси учун Ҳиндистон Суперлигасидан иккинчи таклифдир. Бир неча кун олдин бешинчи маротаба Осиёнинг энг яхши ҳаками деб топилган Равшан Эрматов, бунгача 15—25 ноябрь кунлари Ҳиндистон Суперлигаси учрашувларини бошқарган эди.
Изоҳ (0)