Ўзбекистон ҳукумати 2015 йил 1 январдан эътиборан мамлакатда ишлаб чиқарилган тамаки маҳсулотлари учун акциз солиғи ставкаларини оширди. Бу ҳақда «Podrobno.uz» нашрига таяниб, «Кун» хабар бермоқда.
Янги солиқ ставкалари Ўзбекистон Президентининг «Ўзбекистон Республикасининг 2015 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига асосан белгиланган.
Қарорга кўра, Ўзбекистонга олиб кирилаётган тамаки ёки унинг ўрнини босувчи моддалардан тайёрланган сигаретлар (коди TN VED 2402 20) учун акциз солиғи ҳар мингтаси учун 18,2 доллар даражасида сақлаб қолинган. Шунингдек, тамаки ёки унинг ўрнини босувчилардан тайёрланган сигаретлар (код TN VED 2402 20 900 0) учун акциз солиғи ҳар мингтаси учун 55 доллар миқдорида белгиланган.
Таркибида тамаки мавжуд бўлган сигара ва учи қирқилган сигара ҳамда сигареллаларга нисбатан донасига 42 доллар қийматида акциз солиғи белгиланди.
Шунингдек, Ўзбекистонда ишлаб чиқарилаётган тамаки маҳсулотлари учун акциз солиғи миқдори ҳам оширилди. Хусусан, фильтрли сигаретларнинг ҳар мингтаси учун акциз солиғи 19 минг 196 сўмга ошган бўлса, фильтрсиз сигаретларнинг ҳар мингтаси учун акциз солиғи 17 минг 451 сўм қилиб белгиланди.
Изоҳ (0)