Ўзбекистон 2020 йилгача амалдаги гидроэлектр станцияларининг 19 тасини модернизация қилиш ва такомиллаштириш ишларини амалга оширишни режалаштирмоқда. Бу ҳақда «Ўзбекэнерго» ДАК инвестициявий лойиҳаларни амалга ошириш бошқармаси бошлиғи ўринбосари Абдулла Аҳмедовга таяниб, UzDaily хабар берди.
Унинг айтишича, бу ишлар ёқилғи-энергетика манбаларидан оқилона фойдаланиш ва қайта тикланадиган энергия манбаларини ривожлантириш мақсадида амалга оширилади.
«Натижада уларнинг қуввати 118,5 МВтга ошиб, қўшимча 600 миллион кВт электр энергияси ишлаб чиқаради. Шунинг ҳисобидан 250 миллион кубометр табиий газ тежалади», — деди Аҳмедов.
Унинг қўшимча қилишича, «Ўзбекэнерго» ДАК айни пайтда соҳада янги ишлаб чиқаришларни яратиш, амалдагиларини модернизация ва реконструкция қилиш бўйича жами 28 та йирик инвестициявий лойиҳаларни амалга оширмоқда.
Изоҳ (0)