Украина президентлигига номзодлардан бири — парламент депутати ва олигарх Пётр Порошенко ўз сайловолди штаби давомидаги матбуот анжуманида Қримнинг Россияга қўшилишини ҳамда Украина шарқидаги референдумларни тан олмаслигини таъкидлади. Бу ҳақда Euronews хабар берди.
«Мамлакатимиз тараққиётининг стратегик танлови украин халқи томонидан амалга оширилиб бўлди. 25 май куни одамлар ўз танловини қилди. Ушбу танлов — Европа интеграцияси», — деди у.
Порошенко миллий эксит-полл (овоз бериб, сайлов участкасидан чиқиб кетаётган фуқаролардан ижтимоий хизмат ходимлари томонидан олинадиган сўров)да 55,9% натижа билан ғолиб чиққан. Унинг асосий рақиби «Баткившчина» етакчиси Юлия Тимошенкодир. У «украиналиклар сайлайдиган президент урушни тўхтатиш ва украиналикларнинг барча умидларини рўёбга чиқариш учун зарур бўлган ҳамма имкониятларга эга» экани ҳақида баёнот берган эди.
Изоҳ (0)