Украина шарқида «аксилтеррор» операциялари давом этаётганига қарамай, президентлик сайловлари бошланди. Бугун 8:00 да (Тошкент вақти билан 10:00 да) мамлакатдаги сайлов участкалари очилди. Бу ҳақда «ИТАР-ТАСС» хабар берди.
Сайловда 35,5 миллион фуқаро қатнашиш ҳуқуқига эга. Жами 33 674 та сайлов участкаси фаолият олиб бориши кўзда тутилган, уларнинг қанчаси очилгани ҳақида кун ярмига яқин бўладиган брифингда маълум қилинади.
Сайлов бюллетенига 21 номзод киритилган. Украина Сайловчилар қўмитаси бош директори Александр Черненконинг айтишича, Донецк ва Луганск вилоятларидаги 34 та округдан 21 тасида муддатидан аввалги сайловлар амалга ошмаслиги мумкин.
Украинадаги сайловларга 19 давлатдан келган 282 нафар расмий кузатувчи ўз баҳоларини беради. Уларнинг 61 нафари Польшадан, 38 нафари АҚШдан ташриф буюрган. Бундан ташқари, 20 та халқаро ташкилотнинг 3 мингга яқин кузатувчилари ҳам сайловда қатнашади.
Изоҳ (0)