O‘zbekistonda Leapmotor yengil avtomobillarini sertifikatlash vaqtincha to‘xtatildi. Texnik jihatdan tartibga solish agentligi sertifikatsiyalash organlariga ogohlantirish xati yuborgani maʼlum bo‘ldi.
Ushbu brend avtomashinalariga cheklov qo‘yilishiga Leapmotor C16 avtomobilida aniqlangan kamchilik sabab bo‘lgan. Leapmotor kompaniyasi tomonidan ishlab chiqarilgan M1 toifadagi Leapmotor tovar belgili C16 rusumli (VIN raqami LFZ93AN96RD091431) yengil transport vositasi muvofiqligini baholash natijasida reglamentning 3-ilova 44-bandida belgilangan talabga nomuvofiqligi aniqlangan.
Mazkur nomuvofiqlik avtotransport vositasidan foydalanishda uning elektronikasi yoki boshqa qurilmalaridan foydalanishda muammolarga, ayrim hollarda tegishli tizimlarning ishdan chiqishiga olib kelishi aytilgan.
Nomuvofiqlik Leapmotor kompaniyasi tomonidan bartaraf etilgunga qadar M1 toifadagi Leapmotor tovar belgili avtotransport vositalarini sertifikatlashtirish yuzasidan arizalarni qabul qilish to‘xtatiladi.
Makroiqtisodiy va hududiy tadqiqotlar instituti mutaxassislari tomonidan 2025-yilning yanvar oyida ikkilamchi bozordagi avtomobillar narxi tahlil qilingan edi.
Elektromobillar narxi
Mazkur davrda ko‘p foydalanilgan BYD E2: (15 250 dollar) va Yuan Up (20 ming dollar) elektromobillari narxi o‘zgarmagan bo‘lsa, boshqa elektromobillar o‘rtacha narxlarida arzonlash kuzatildi:
- BYD E2: yangi - 1,8 foizga (17 100 dollardan 16 800 dollarga), o‘rtacha foydalanilgan - 2,9 foizga (15 970 dollardan 15 500 dollarga);
- BYD Han: yangi - 0,9 foizga (32 500 dollardan 32 200 dollarga), ko‘p foydalanilgan - 2,9 foizga (31 750 dollardan 31 250 dollarga);
- BYD Song Plus DM-i Champion: yangi - 0,3 foizga (29 100 dollardan 29 ming dollarga), o‘rtacha foydalanilgan - 1,1 foizga (27 200 dollardan 26 900 dollarga), ko‘p foydalanilgan - 2,8 foizga (24 999 dollardan 24 300 dollarga);
- BYD Song Plus EV Champion: yangi - 1,4 foizga (28 500 dollardan 28 090 dollarga), o‘rtacha foydalanilgan - 3,6 foizga (26 600 dollardan 25 650 dollarga), ko‘p foydalanilgan - 2,9 foizga (24 050 dollardan 23 350 dollarga).
Xorijiy avtomobillar narxi
- Elantra: o‘rtacha foydalanilgan - 2,3 foizga (21 500 dollardan 21 ming dollarga); ko‘p foydalanilgan - 4,8 foizga (21 ming dollardan 19 995 dollarga);
- Tucson: kam foydalanilgan - 1,5 foizga (33 500 dollardan 33 ming dollarga), o‘rtacha foydalanilgan - 0,8 foizga (31 750 dollardan 31 500 dollarga); ko‘p foydalanilgan - 2 foizga (25 500 dollardan 25 ming dollarga);
- Sportage: kam foydalanilgan - 1,4 foizga (29 ming dollardan 28 600 dollarga), o‘rtacha foydalanilgan - 1,8 foizga (27 500 dollardan 27 ming dollarga);
- Seltos: ko‘p foydalanilgan - 2,1 foizga (23 500 dollardan 23 ming dollarga) arzonlagan.
Avtomobil bozori qanday holatda?
Noyabr oyida 2024-yilning III choragida O‘zbekiston avtomobil bozorida faollik darajasi oshgan bo‘lsa-da, 2023-yilgi darajada emasligi haqida xabar berilgandi. Xususan, iyul-sentyabr oylarida davlat ro‘yxatidan o‘tkazilgan avtomobillar soni 352,8 mingtani tashkil qilib, II-chorakdagiga nisbatan 76,8 mingtaga (27,8 foizga) ko‘paydi. Biroq, bu ko‘rsatkich 2023-yilning mos davridagiga nisbatan 19,9 foiz kam.
Dekabr oyi avvalida Lacetti, Nexia, Spark kabi ommabop avtomobillar narxlari pasaygani haqida xabar berilgan.
O‘zbekistonda 2024-yil oktyabrida avtomobil bozorida sotuvlar yana pasaygani aytilgan edi. Oktyabr oyida avtotransport vositalarining savdosi 102,3 ming donani tashkil etdi, bu o‘tgan oyga nisbatan 7 foizga kam. Yillik ko‘rsatkichda esa pasayish — 44 foizdan ko‘proq.
Izoh (0)