O‘zbekiston joriy yilning yanvar-avgust oylarida xorijdan qiymati 912 million dollarga teng bo‘lgan 48 ming 55 dona yengil avtomobil import qilgan. Bu haqda Statistika agentligi axborot xizmati xabar bermoqda.
Berilgan ma’lumotga ko‘ra, yengil avtomobil importi o‘tgan yilning mos davriga nisbatan 8 ming 352 taga oshgan.
Eng ko‘p yengil avtomobil import qilingan davlatlar:
- Xitoy – 38 ming 85 ta;
- Koreya – 8 ming 729 ta;
- AQSH – 622 ta;
- Yaponiya – 139 ta;
- Germaniya – 104 ta.
Avvalroq yanvar-avgust oylarida xorijdan qiymati 166,8 million dollarlik 12 ming 913 ta elektromobil import qilingani haqida xabar berilgan edi. Elektromobil bozorida ham Xitoy yetakchilik qilmoqda.
Izoh (0)