• USD12910.15
    • RUB159.78
    • EUR14660.77
    Daryo.uz - Login
    O‘zbekiston

    O‘zbekiston 10 oyda qancha elektromobil import qilgani ochiqlandi

    O‘zbekiston 2024-yilning yanvar—oktyabr oylarida xorijdan qiymati 202,7 mln dollarga 20 190 ta elektromobil import qilgan. Bu haqda Statistika agentligi xabar berdi.

    Foto: “Daryo” / Madina Nurman

    Maʼlum qilinishicha, elektromobillar importi o‘tgan yilning mos davri bilan solishtirilganda 6 730 taga oshgan.  

    10 oyda O‘zbekiston eng ko‘p elektromobil import qilgan davlatlar:  

    • Xitoy — 20 082 ta;
    • Qozog‘iston — 51 ta;
    • Gonkong — 17 ta;
    • Germaniya — 14 ta;
    • BAA — 10 ta;
    • AQSH — 10 ta.

    Elektromobil bozori haqida

    Avvalroq O‘zbekistonda o‘tgan yetti yilda elektromobillar importi 10 baravarga oshgani xabar qilingan edi.

    2019-yilda O‘zbekistonga olib kirilayotgan elektromobillar bojxona, aksiz va avtotransport soliqlaridan ozod qilingan. 2021-yilning noyabrida YHXBB elektromobillar uchun “yashil” davlat raqamlari berishni boshladi.

    Prezidentning 2024-yildagi qaroriga ko‘ra, O‘zbekistonda elektromobil va gibrid avtomobillar ishlab chiqarish quvvati bosqichma-bosqich yiliga 500 ming donagacha oshiriladi.

    9 oy davomida benzinda harakatlanadigan avtomobillar importi 28 foizga kamaygani haqida xabar berilgandi. Benzin va elektrda (gibrid) harakatlanuvchi yengil avtomobillar importi joriy yilda 11 ming 425 dona import qilingan bo‘lsa, bu o‘tgan yilning mos davriga nisbatan 49 foizga (3 ming 775 ta) ortgan.

    Statistika agentligi ma’lumotlariga ko‘ra, O‘zbekiston 2024-yilning sakkiz oyi davomida xorijdan qiymati 166,8 million dollarlik 12 913 ta elektromobil import qilingan. Bu o‘tgan oyga nisbatan 2 ming 371 taga ko‘p. 2022-yilning mos davri bilan solishtirilganda esa qariyb 6 barobarga oshgan.

    Iqtisodiy tadqiqotlar va islohotlar markazi bergan ma’lumotga ko‘ra, 2024-yil sentyabrida 4,24 mingta elektromobillar sotilgan, avgust oyida esa 1,7 ming dona sotilgan.

    Avtomobil bozori qanday holatda?

    Avvalroq O‘zbekistonda 2024-yil oktyabrida avtomobil bozorida sotuvlar yana pasaygani aytilgan edi. Oktyabr oyida avtotransport vositalarining savdosi 102,3 ming donani tashkil etdi, bu o‘tgan oyga nisbatan 7 foizga kam. Yillik ko‘rsatkichda esa pasayish — 44 foizdan ko‘proq.

    O‘zbekistonda o‘tgan yetti yilda elektromobillar importi 10 baravarga oshgani xabar qilingan edi.

    2019-yilda O‘zbekistonga olib kirilayotgan elektromobillar bojxona, aksiz va avtotransport soliqlaridan ozod qilingan. 2021-yilning noyabrida YHXBB elektromobillar uchun “yashil” davlat raqamlari berishni boshladi. 

    2024-yil avgustida Savdo-sanoat palatasi raisi Davron Vahobov elektromobillarga bojlarni gibrid avtomobillarniki bilan tenglashtirish kerakligini aytdi. Iqtisodchilar elektromobillarga boj joriy qilish taklifiga keskin qarshi chiqdi.

    Prezidentning 2024-yildagi qaroriga ko‘ra, O‘zbekistonda elektromobil va gibrid avtomobillar ishlab chiqarish quvvati bosqichma-bosqich yiliga 500 ming donagacha oshiriladi.
    #elektromobil

    Javob qoldiring

    Mavzuga doir

    ×Lightbox Image