Davlat va korparativ qarzlar bir yilda qariyb 14,9 mlrd dollarga ortgan. Bu haqda Markaziy bank sharhida qayd etilgan.
Joriy yil 1-choragida O‘zbekistonning umumiy tashqi qarzi hajmi 68,4 mlrd dollarni tashkil qildi. Shundan davlat tashqi qarzi hajmi 35,8 mlrd dollarga, korporativ tashqi qarzlar 32,6 mlrd dollarga teng bo‘lgan.
Yanvar-mart oylarida tashqi qarz qoldig‘i 4,3 mlrd dollarga o‘sgan (davlat tashqi qarzi +1,9 mlrd dollar, korporativ tashqi qarz +2,4 mlrd dollar). Avvalgi chorakdagi (2024-yil 4- choragi) tashqi qarz o‘sishi 3,9 mlrd dollardan iborat bo‘lgan.
Oxirgi bir yilda mamlakat umumiy tashqi qarz qoldig‘i 14,9 mlrd dollarga ko‘paygan. Shundan davlat tashqi qarzi 6,2 mlrd dollar, korporativ tashqi qarz 8,7 mlrd dollar oshgan.
Tahlillarga qaraganda, O‘zbekiston korporativ tashqi qarzi asosan davlat kompaniyalari va banklarining qarzi hisoblanadi.
Avvalroq 2024-yil yakunida hukumat va korxonalar tomonidan xorijiy davlatlar, xalqaro moliya institutlari va investorlardan olinga qarzlar qoldig‘i 64,1 mlrd dollarga yetgani ochiqlangan.
Izoh (0)