Hindiston shimoli-sharqida so‘nggi bir necha kun ichida kuchli yomg‘ir, suv toshqini va ko‘chkilar oqibatida kamida 30 kishi halok bo‘ldi, minglab odamlar jarohatlandi. Bu haqda Anadolu xabar berdi.
Hindiston armiyasi Sikkim shtatidagi harbiy lagerini ko‘chki bosishi oqibatida 2 askar va bir nafar yuk tashuvchi halok bo‘lgani, 6 askar bedarak yo‘qolganini ma’lum qilgan. Bedarak yo‘qolgan olti kishini qutqarish ishlari davom etmoqda. Shuningdek, Assam, Arunchal Pradesh, Meghalaya va Mizoram shtatlarida ham qurbonlar qayd etilgan.
Assam shtatida jami 17 ta tuman suv toshqinidan zarar ko‘rgan. 364 mingdan ortiq odam jarohatlanib, ular uchun 52 ta yordam lagerlari tashkil etilgan.
Manipur shtatida esa armiya poytaxt Imphal bo‘ylab keng ko‘lamli qutqaruv ishlarini davom ettirib, kuchli botqoqlangan hududlardan 500 dan ortiq tinch aholini evakuatsiya qilgan. Rasmiylar Arunchal-Pradeshda ko‘chkilar va suv toshqinlari oqibatida 10 kishi, Assamda esa 8 kishi halok bo‘lganini aytgan.
1-iyun kuni Hindiston ichki ishlar vaziri Amit Shoh Assam, Sikkim, Arunchal Pradesh va Manipur gubernatorlari bilan suhbatlashganini bildirgan. Shuningdek, u har qanday yordamga tayyorligini va Modi hukumati shimoli-sharqiy xalqlarni qo‘llab-quvvatlashda “qoya kabi” turishini ma’lum qilgan.
Izoh (0)