“Ispaniya bosh vaziri Pedro Sanches mamlakat sharqidagi vayronkor suv toshqinlari qurbonlari uchun 3,8 milliard yevro miqdorida yangi yordam paketini e’lon qildi”, deya xabar bermoqda Yevropa OAV.
Bir hafta oldin Ispaniya hukumati 78 ta munitsipalitetga 10,6 milliard yevro ajratgandi.
Sanches zarar ko‘rgan hududlarga yordam berish uchun “barcha zarur mexanizmlardan” foydalanishga va’da berdi. Uning ta’kidlashicha, hukumat “jabrlangan hududlarda odatiy hayotni tiklash” uchun bu ishni davom ettiradi.
“Hukumat barcha zarur choralarni ko‘radi, biz bu fojiadan keyin iqtisodiy va ijtimoiy faollikni tiklashimiz kerak”, dedi bosh vazir.
Oktyabr oyi oxirida kuchli yomg‘ir Valensiya avtonom hamjamiyatida va qo‘shni viloyatlarda suv toshqinlariga sabab bo‘ldi.
Buning oqibatida 220 dan ortiq odam halok bo‘ldi. Ispaniyaning ko‘plab aholisi mahalliy hokimiyatni tabiiy ofatdan jabr ko‘rgan hududlarga yordam ko‘rsatish bo‘yicha yetarlicha samarali choralar ko‘rmaganlikda aybladi.
Izoh (0)