Bobur Karimov 9-iyun kuni Samarqand viloyati hokimiga o‘rinbosar etib tayinlandi. Bu haqda viloyat hokimligi matbuot xizmati xabar berdi.
Qayd etilishicha, u hokimning jamoat va diniy tashkilotlar bilan aloqalar bo‘yicha o‘rinbosari bo‘ldi. 2022-yildan buyon ushbu lavozimda ishlab kelgan Bahodir Qodirov boshqa ishga o‘tgan. Uning qayerga ishga o‘tganiga hokimlik aniqlik kiritmagan.
Bobur Karimov 1991-yilda Samarqand viloyatida tug‘ilgan. Samarqand davlat universitetini tamomlagan.
27-may kuni Otabek Bazarov Namangan viloyati hokimining yoshlar siyosati, ijtimoiy rivojlantirish hamda maʼnaviy-maʼrifiy ishlar bo‘yicha o‘rinbosari etib tayinlangandi. Shu kuni Namangan viloyati Pop tumani hokimi almashdi. A’zamjon Sultonov salomatligiga ko‘ra vazifasidan ozod etildi. Uning o‘rniga G‘ulomjon Murodxo‘jayev Pop tumani hokimi etib tayinlandi.
Izoh (0)